Qəzzada ölənlərin sayı 31,3 minə çatır

İsrailin Qəzza zolağında hərbi əməliyyatların başladığı gündən bu yana həlak olan fələstinlilərin sayı 31,3 minə çatır.
Yeniavaz.com xəbər verir ki, bu barədə Fələstin anklavının Səhiyyə Nazirliyi öz “Telegram” kanalında məlumat yayıb.
Bildirilib ki, 73 mindən çox fələstinli isə yaralanıb.
“Ötən ilin oktyabrından bu yana İsrailin Qəzzaya təcavüzü qurbanlarının sayı 31 min 272 nəfərə çatıb, ən azı 73 min 24 nəfər isə yaralanıb.
Nazirlik bildirib ki, son 24 saat ərzində anklavda 88 nəfər ölüb, daha 135 nəfər yaralanıb.
Açıqlamada ölən və yaralananların 72%-nin qadınlar və uşaqlar olduğu qeyd edilib. Bildirilir ki, ölənlərdən bəzilərinin cəsədləri dağıntılar altında və anklavın yollarında qalır, İsrail qüvvələri təcili yardım və mülki müdafiə maşınlarının onlara yaxınlaşmasına mane olur.