Kəmaləddin Heydərova yeni müavin təyin edildi

Fövqəladə hallar naziri Kəmaləddin Heydərova yeni müavin təyin edilib.
Yeniavaz.com xəbər verir ki, bu barədə qurumun saytında məlumat dərc olunub.
Belə ki, “Rəhbərlik haqqında məlumat” bölməsində nazir müavinlərinin sırasına general-mayor Adil Abdullayevin də adı əlavə olunub.
Qeyd olunur ki, A. Abdullayev 21 sentyabr 1977-ci ildə Azərbaycan Respublikasının Bakı şəhərində anadan olub.
Bildirilir ki, o, Azərbaycan Dövlət İqtisad Universitetini bitirib. Ailəlidir, 2 övladı var.
Xatırladaq ki, Böhran Vəziyyətlərində İdarəetmə Mərkəzinin rəisi Adil Ələsgər oğlu Abdullayev general rütbəsini iki il öncə alıb. O, FHN-dən öncə Dövlət Gömrük Komitəsində çalışıb. Adil Abdullayev vaxtilə DGK-də Daxili Təhlükəsizlik İdarəsinin şöbə rəisi olub.