Ronaldo bu gün hansını dəstəkləyəcəyini açıqladı – “Fənərbağça”, yoxsa “Qalatasaray”?

Türkiyə Superliqasının nəhəngləri “Fənərbağça və “Qalatasaray” arasında Səudiyyə Ərəbistanında keçiriləcək Türkiyə Superkubokunun final görüşü ərəfəsində məşhur futbolçu Kriştianu Ronaldo favoritini açıqlayıb.
Yeniavaz.com Türkiyə mediasına istinadla xəbər verir ki, mübarizəni stadiondan izləyəcəyini bildirən ulduz futbolçu favoritinin “Qalatasaray” olacağını, “Qalatasaray”ı dəstəkləyəcəyini bildirib.
““Al Awwal Park”a matçı izləməyə gedəcəyəm. Favoritim “Qalatasaray”dır, “Qalatasaray”ı dəstəkləyəcəyəm”, - məşhur futbolçu bildirib.
Qeyd edək ki, bu gün Səudiyyə Ərəbistanının paytaxtı Ər-Riyaddakı “Al-Awwal Park” stadionunda keçiriləcək matç Bakı vaxtı ilə saat 21:45-də başlayacaq.
İki əzəli rəqibin matçının əsas hakimi isə Abdulkadir Bitigen olacaq. Ona Erdem Bayık və Mustafa Savranlar kömək edəcək. Dördüncü hakim funksiyasını isə Volkan Bayarslan yerinə yetirəcək.