ABŞ dövlət katibi Antoni Blinken İsraillə sülh sazişi bağlamış ərəb ölkələrinin xarici işlər nazirləri ilə danışıb və onları Fələstinin HƏMAS hərəkatının İsrailə qarşı əməliyyatını pisləməyə çağırıb, lakin onlar bunu etməyiblər.
Yeniavaz.com xəbər verir ki, bu barədə “Axios” portalı yazıb.
“Blinken İsraillə sülh sazişi imzalayan ərəb ölkələrinin bir sıra xarici işlər nazirləri ilə danışıb və onlardan HƏMAS-ın işğalını pisləməyi xahiş edib. Ərəb ölkələri Blinkenin tələbini yerinə yetirməyib”, – portal qeyd edib.
Qeyd edək ki, şənbə günü səhər İsrail Qəzza zolağından raket hücumuna məruz qalıb. İsrail ordusunun mətbuat xidməti 3 mindən çox raket atıldığını bildirib. Bundan əlavə, HƏMAS döyüşçüləri kütləvi raket hücumlarından sonra İsrailin cənubundakı sərhəd bölgələrinə nüfuz ediblər.
Tətbiqimizi yükləyə bilərsiniz
