Nazirlikdən məktəbli formaları ilə bağlı valideynlərə müraciət

Elm və Təhsil Nazirliyi məktəbli formaları ilə bağlı valideynlərə müraciət ünvanlayıb.
Yeniavaz.com xəbər verir ki, müraciətdə valideynlərə övladlarının məktəbli formalarını əvvəlcədən əldə etmək tövsiyə edilib.
“Nazirlər Kabinetinin qərarına əsasən, 2023-2024-cü tədris ilində ölkənin hər bir ümumi təhsil müəssisəsi üzrə vahid məktəbli geyimi tətbiq ediləcək. Həmin qərarda məktəblər tərəfindən 4 cür geyim formasından birinin seçilməsi nəzərdə tutulur.
Ötən tədris ilində hər bir ümumi təhsil müəssisəsinin Pedaqoji Şurası bununla bağlı müvafiq qərar qəbul edib. Övladınızın təhsil aldığı məktəbdən bu barədə ətraflı məlumat əldə edə bilərsiniz.
Yeni tədris ilinə hazırlıq məqsədilə məktəbli formalarını ölkəmizin şəhər və rayonlarında fəaliyyət göstərən satış məntəqələrindən əvvəlcədən əldə etməyiniz tövsiyə olunur”, - deyə müraciətdə bildirilib.