![](https://cdn.yeniavaz.com/uploadedfiles/custom/2023/6/23/1/9f41fa1f-a825-41a3-9e44-d16960fc0f02/whatsapp-image-2023-06-23-at-104710.jpg)
Ağcabədi Rayon Polis Şöbəsinin əməkdaşları tərəfindən onlayn yolla dələduzluq edən şəxs müəyyən edilib.
Yeniavaz.com xəbər verir ki, bu barədə DİN-in Mətbuat Xidmətinin Bərdə regional qrupu məlumat yayıb.
Bildirilib ki, rayon sakini bir qadın polisə müraciət edərək "TikTok" sosial şəbəkəsində qızıl alqı-satqısı adı altında qeydiyyatda olan səhifənin admininə 50 qram qızıl almaq məqsədi ilə 2800 manat pul göndərməsi və daha sonra həmin şəxsin onu aldadaraq pulunu dələduzluqla ələ keçirməsi barədə məlumat verib. Məlumatla əlaqədar müvafiq araşdırmalara başlanılıb, əhəmiyyət kəsb edən sübutlar aşkar edilib.
Keçirilən əməliyyat tədbiri ilə qeyd edilən dələduzluq əməlini törətməkdə şübhəli bilinən Bakı şəhər sakini Kənan Bağırov müəyyən olunub. Həmçinin K.Bağırovun Cinayət Məcəlləinin 178.1-ci maddəsi (dələduzluq) ilə axtarışda olduğu da aşkar edilib. O, aidiyyəti üzrə axtarışda olduğu polis idarəsinə təhvil verilib.
Faktla bağlı araşdırmalar davam etdirilir.
![](https://cdn.yeniavaz.com/uploadedfiles/custom/2023/6/23/1/640e01de-5b13-4f87-a531-65e7d62a3a50/whatsapp-image-2023-06-23-at-104719.jpeg)
![](https://cdn.yeniavaz.com/uploadedfiles/custom/2023/6/23/1/4536c88b-4c80-4c9b-8b51-bcb59e6a5d99/whatsapp-image-2023-06-23-at-104728.jpeg)