Dünyanın ən çox silah alıb-satan ölkələri – Siyahı

Son 5 ildə - 2018-2022-ci illərdə dünya üzrə silah ixracı əvvəlki 5 illə - 2013-2017-ci illərlə müqayisədə 5,1% azalıb. 
Yeniavaz.com Stokholm Beynəlxalq Sülh Araşdırmaları İnstitutunun açıqladığı məlumatlara istinadən bildirir ki, dünya üzrə qeydə alınan ümumi silah ixracının 76,4%-i 5 dövlətin – ABŞ (40%), Rusiya (16%), Fransa (11%), Çin (5,2%) və Almaniyanın (4,2%)  payına düşüb.
Bu dövrdə ABŞ-ın dünya silah ixracındakı payı 14% artıb. ABŞ-dan ixrac edilən silahların 19%-i Səudiyyə Ərtəbistanına satılıb.
Rusiyanın silah ixracı isə hesabat dövründə 31% azlıb. Rusiya silahının əsas alıcısı yenə də Hindistan olub. Rusiyanın ümumi ixracının 31%-i Hindistanın payına düşüb.
Əvvəlki 5 illə müqayisədə 2018-22-ci illər ərzində Fransanın silah ixracı 44% artıb. Çinin silah ixracı 23%, Almaniyanın isə 35% azalıb.
Əvvəlki 5 illə müqayisədə son 5 ildə dünyada silah satışını ən çox artıran ölkələrin arasında Belçika və Polşa yer alıb. Belçika silah satışını 3,2 dəfə, Polşa isə 2,7 dəfə artırıb.
Bu dövrdə Türkiyə silah ixracını 69% artıra bilib və dünya üzrə ümumi silah ixracının 1,1%-i qardaş ölkənin payına düşüb. Türkiyə ən çox silah ixrac edən ölkələrin sıralamasında 12-ci sırada yer alıb. Türkiyə silah ixracının 20%-ni Qətərə, 17%-ni Birləşmiş Ərəb Əmirliklərinə (BƏƏ), 13%-ni isə Omana edib.
Türkiyənin özü isə ən çox İtaliyadan (35%), İspaniyadan (20%) və Rusiyadan (19%) silah idxal edib.
Dünya üzrə qeydə alınan silah ixracında ən çox paya sahib olan 10 ölkə bunlardır:

Ölkələr	İxracda payı 2018-2022-ci illər	İxracda payı 2013-2017-cu illər	Fərq
ABŞ	40 %	33 %	14 % artıb
Rusiya	16 %	22 %	31 % azalıb
Fransa	11 %	7,1 %	44 % artıb
Çin	5,2 %	6,3 %	23 % azalıb
Almaniya	4,2 %	6,1 %	35 % azalıb
İtaliya	3,8 %	2,5 %	45 % artıb
B. Britaniya	3,2 %	4,7 %	35 % azalıb
İspaniya	2,6 %	2,5 %	4,4 % azalıb
Cənubi Koreya	2,4 %	1,3 %	74 % artıb
İsrail	2,3 %	2,6 %	15 % azalıb

Son 5 ildə ən çox silah alan ölkə Hindistan olub. Dünyada satılan bütün silahların 11%-ni Hindistan alıb. Əvvəlki 5 illə müqayisədə silah idxalını ən çox artırtan isə Ukrayna olub. Ukrayna silah idxalının 87 dəfə artırıb. Dünyada ümumi silah idxalının 2%-i Ukraynanın payına düşüb. Ukraynaya ən çox ABŞ (34%), Polşa (17%) və Almaniya (11%) silah satıb.
Dünya üzrə qeydə alınan silah idxalında ən çox paya sahib olan 10 ölkə isə bunlardır:

Ölkələr	İdxalda payı 2018-2022-ci illər	İdxalda payı 2013-2017-cu illər	Fərq
Hindistan	11 %	12 %	11 % azalıb
S. Ərəbistanı	9,6 %	10  %	8,7 % azalıb
Qətər	6,4 %	1,5 %	4,1 dəfə artıb
Avstraliya	4,7 %	3,6 %	23 % artıb
Çin	4,6 %	4,2 %	4,1 % artıb
Misir	4,5 %	4,5 %	5,3 % azalıb
C. Koreya	3,7 %	2,2 %	61 % artıb
Pakistan	3,7 %	3 %	14 % artıb
Yaponiya	3,5 %	1,2 %	2,7 dəfə artıb
ABŞ	2,7 %	2 %	31 % artıb

 
A. Cəfərov