![](https://cdn.yeniavaz.com/uploadedfiles/custom/2022/1/27/1/5f9331ca-876f-4b43-868c-0b6425c8aa54/helikopter-2.jpg)
Bu gün satışa çıxarılan helikopterlərdən biri - “Airbus Helicopters EC-135P2” 1 milyon manata satılıb.
Bu barədə Yeniavaz.com-a Əmlak Məsələləri Dövlət Xidmətindən məlumat verilib.
***15:18
Daha əvvəl 4 dəfə açıq hərraca çıxarılan "Azərbaycan Hava Yolları" QSC-yə (AZAL) məxsus 3 ədəd helikopter 5-ci dəfə hərraca çıxarılıb.
Yeniavaz.com xəbər verir ki, bu barədə Əmlak Məsələləri Dövlət Xidmətinin yaydığı məlumatda bildirilib.
Məlumatda göstərilir ki, 1 ədəd “Airbus Helicopters EC-135P2” və 2 ədəd “Airbus Helicopters EC-155B1” helikopteri bu gün - 15 noyabr 2022-ci il tarixində yenidən hərraca çıxarılacaq.
Xəbəri rus dilində oxuyun: Вертолеты "AZAL" никто не покупает, цену снизили в два раза - Фото
“Airbus Helicopters EC-155B1” helikopterləri 2005-ci, “Airbus Helicopters EC-135P2” helikopteri isə 2009-cu ildə istehsal olunub.
Hava nəqliyyatı vasitələrinin hər birinin start qiyməti 1 milyon manat olacaq.
Qeyd edək ki, əvvəlki hərraclar bu ilin mart ayının 1-də, iyul ayının 21-də, sentyabr ayının 1-də və oktyabr ayının 10-da keçirilib. Əvvəlki 2 hərracda hava nəqliyyatı vasitələrinin hər birinin start qiyməti 2 milyon, 3-cü hərracda 1,8 milyon, sonuncu hərracda isə 1,5 milyon manat olub.
![](https://cdn.yeniavaz.com/uploadedfiles/custom/2022/1/27/1/70f27d83-55f6-41bb-8e61-241fbc83bba4/helikopter-1.jpg)
![](https://cdn.yeniavaz.com/uploadedfiles/custom/2022/1/27/1/1e2174b6-abac-4bc9-a8b6-7d3e83c7cb14/satilan-helikopterler.jpg)
A. Cəfərov