Erməni general Vitali Balasanyan azərbaycanlı generallarla bərabər Laçına və Zabux kəndinə gedib.
Yeniavaz.com Haqqin.az-a istinadla xəbər verir ki, Balasanyan azərbaycanlı generallara Laçınla bağlı söz verib.
“Sakinlər kəndin mərkəzində toplaşmışdılar və gördülər ki, Vitali Balasanyan azərbaycanlı generallarla gəlir. Özü də o, ilk dəfə deyil ki, türklərlə belə rahat gəzir. Biz onun Şuşadakı postlarda onlarla necə mülayim danışdığını görürdük. Azərbaycanlılar isə artıq bizim evlərimizə baxırlar. Vitali onlara evləri göstərdi və inandırdı ki, heç kim evi dağıtmayacaq və yandırmayacaq, hər şey qaydasındadır. Bizim vəziyyətimizi təsəvvür edirsinizmi?”, - deyə orada yaşayan sakinlərdən biri Satik Asatryan qeyd edib.
Öz növbəsində erməni tərəfi Vitali Balasanyanın Rusiya sülhməramlıları və Azərbaycan nümayəndələri ilə Laçın və Zabux kəndinə səfərini rəsmi təsdiqləyib.
Məlumatda deyilir ki, səfər 2020-ci ilin 10 noyabr tarixində imzalanmış üçtərəfli bəyanatın yerinə yetirilməsi çərçivəsində həyata keçirilib.
Tətbiqimizi yükləyə bilərsiniz
