İldırıma görə 50 dəqiqə yubanan təyyarə Naxçıvandan yola düşdü - Yenilənib

AZAL-ın Naxçıvandan Bakıya uçan təyyarəsi 50 dəqiqəlik yubanmadan sonra havaya qalxıb.

"Report" xəbər verir ki, təyyarə Naxçıvan Hava Limanını tərk edib.

Qeyd edək ki, ildirım çaxması və havanın dumanlı olması səbəbindən təyyarənin kapitanı aeroportda gözləmək qərarı qəbul edib.

***19:18
Hava şəraiti ilə əlaqədar AZAL-ın Naxçıvandan Bakıya uçan təyyarəsi havaya qalxmayıb.

Yeniavaz.com xəbər verir ki, artıq bu barədə sərnişinlərə xəbərdarlıq edilib.

Qeyd edək ki, AZAL-ın J2 0256 reysi üzrə saat 18:50-də Naxçıvan Hava Limanından qalxmalıdır. İldirım çaxması və havanın dumanlı olması səbəbindən təyyarənin kapitanı aeroportda gözləmək qərarı qəbul edib.

Təyyarənin Naxçıvan Hava Limanında neçə saat gözləyəcəyi ilə bağlı dəqiq məlumat verilməyib.