Sabiq icra başçısı və deputat dünyasını dəyişib

Milli Məclisin sabiq deputatı Maksim Musayev vəfat edib.
Yeniavaz.com xəbər verir ki, bu barədə mərhumun oğlu Emin Musayev məlumat yayıb.
Məlumata görə, M.Musayev 83 yaşında ürəktutmadan dünyasını dəyişib.
Qeyd edək ki, M.Musayev 1938-ci ilin avqustun 18-də anadan olub.
O, 1982-ci ildən Qax Rayon Partiya Komitəsinin birinci katibi vəzifəsində çalışıb. M.Musayev 1990-cı ildən Xızı Rayon Partiya Komitəsinin birinci katibi, sonra rayon Sovetinin sədri vəzifəsində işləyib.
1991-1992-ci illərdə isə Xızı Rayon İcra Hakimiyyətinin başçısı vəzifəsində çalışıb.
M.Musayev 1995-2000-ci illərdə Milli Məclisin deputatı olub.