Azərbaycanda aparıcı şirkətlərdən biri ləğv olunur

Ölkənin aparıcı şirkətlərindən olan “ADOR” MMC  ləğv olunduğunu elan edib.
Yeniavaz.com xəbər verir ki, bu barədə məlumat “Vergilər” qəzetində yer alıb.
Elanda bildirilir ki, “ADOR” MMC (VÖEN: 1700871041) fəaliyyətinə xitam verilərək “BLESS” MMC-yə (VÖEN: 1700786011) qoşulur və “BLESS” MMC “ADOR” MMC-nin ona qoşulması nəticəsində yenidən təşkil edilir. 
Məlumat üçün bildirək ki, “ADOR” MMC ölkənin aprıcı banklarından olan “Paşa Bank”ın 28%-lik səhminə sahibdir. 
Onu da bildirək ki, bir həftə əvvəl yeni yaranan 2 şirkət - “A-GRADE REAL ESTATES” MMC (23.08.2021-ci il tarixində dövlət qeydiyyatına alınıb) və “AMAL ƏMLAK” MMC (09.08.2021-ci il tarixində dövlət qeydiyyatına alınıb) ləğv olunaraq “PMD GROUP” MMC-yə qoşulublar.
Ləğv olunan hər iki MMC-nin hüquqi ünvanı ölkənin ən böyük şirkətlərindən olan “Paşa Holdinq” ilə eyni ünvanda -  Neftçilər prospekti ev 153-də yerləşir.