“Sosial şəbəkələrdə yayılmış Ramiz Göyüşovun heç bir əxlaqi normalara sığmayan videogörüntüləri ilə bağlı böyük təəssüf hissi keçirir və hiddətlə qınayaraq bildiririk ki, onun YAP Binəqədi rayon təşkilatının sədri kimi səlahiyyətlərinə cari ilin 30 iyun tarixində keçirilmiş hesabat konfransında artıq xitam verilib”.
Yeniavaz.com "report"a istinadla xəbər verir ki, bunu Yeni Azərbaycan Partiyası (YAP) Mərkəzi Aparatının İctimaiyyətlə əlaqələr şöbəsinin müdiri Elməddin Quliyev deyib.
O bildirib ki, YAP Binəqədi rayon təşkilatının yeni sədrinin təyinatı ilə yanaşı R.Göyüşovun ümumiyyətlə partiya sıralarından xaric edilməsi məsələsinə isə YAP İdarə Heyətinin 10 sentyabr tarixində keçiriləcək iclasında baxılacaq.
Qeyd edək ki, sosial şəbəkələrdə YAP Binəqədi rayon təşkilatının sədri Ramiz Göyüşovun əxlaqsız görüntüləri yayılıb.
YAP-dan əxlaqsız görüntüləri yayılan Binəqədi rayon təşkilatının sədri ilə bağlı AÇIQLAMA
Tətbiqimizi yükləyə bilərsiniz
