Son bir ildə Azərbaycanda abort etdirən məktəbyaşlı qızların sayı azalıb.
Yeniavaz.com-un açıqlanan rəsmi məlumatlara istinadən apardığı hesablama göstərir ki, abort etdirən məktəbyaşlı qızların sayı 2017-i illə müqayisədə ötən il 1,3% azalaraq 46 nəfərdən 40 nəfərə düşüb.
Məlumat üçün bildirək ki, ötən il ölkədə ümumilikdə 36 min 141 qadın abort etdirib və bu göstərici əvvəlki illə müqayisədə 3,9% və 1 min 477 nəfər azalıb. Abort etdirənlərin 3,4% və ya 1 238 nəfəri 15-19 yaşlılar olub. Bu yaşda abort etdirən qadınların sayı ötən bir il ərzində 22,8% və ya 367 nəfər azalıb.
Onu da bildirək ki, Azərbaycanda abort etdirənlərin sayı 2016-cı ildə ən yüksək səviyyəyə yüksəlib. Əvvəlki illərdə bu sayda abort qeydə alınmayıb.
Müqayisə üçün son 19 ildə qeydə alınan abortların sayını təqdim edirik:
| İllər | Abortların sayı |
| 2000-ci il | 17, 5 min |
| 2005-ci il | 19,6 min |
| 2007-ci il | 22,3 min |
| 2008-ci il | 25,3 min |
| 2009-cu il | 24,6 min |
| 2010-cu il | 26,8 min |
| 2011-ci il | 27,8 min |
| 2012-ci il | 31 min |
| 2013-cu il | 27,9 min |
| 2014-cü il | 27,2 min |
| 2015-ci il | 27,5 min |
| 2016-cı il | 34,6 min |
| 2017-ci il | 37,62 min |
| 2018-ci il | 36,14 min |
Tətbiqimizi yükləyə bilərsiniz
