“Simpsonlar”ın bəstəkarı cizgi serialının müəlliflərini məhkəməyə verib

Bəstəkar Alf Klauzen “Simpsonlar” cizgi serialının müəlliflərini məhkəməyə verib. Bu barədə məlumatı “Variety” yayıb.

Bəstəkarın sözlərinə görə, onu işdən yaşına və guya əlilliyinə görə kənarlaşdırıblar. 78 yaşlı bəstəkar bildirib ki, serial müəlliflərinə başqa janrda musiqi lazım olub. Klauzenin vəkilləri hesab edirlər ki, bu, yalan səbəbdir, çünki onun yerinə bu işə daha cavan adam götürülüb.

Qeyd edək ki, Alf Klauzen 1990-cı ildən “Simpsonlar” üçün musiqi yazır və serialın 560-dan çox epizoduna mahnı və aranjemanlar yaradıb. O, 23 dəfə “Emmi” mükafatına namizəd irəli sürülüb.//AzərTAC