Fövqəladə Hallar Nazirliyinin (FHN) "112" qaynar telefon xəttinə Qusar rayonunda süni göldə 1 nəfərin batması barədə məlumat daxil olub.
Yeniavaz.com-un FHN-nin saytına istinadən verdiyi məlumata görə, nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Süni göldə batan şəxsin meyiti sudan çıxarılıb. Batan şəxsin Qusar rayon sakini 1997-ci il təvəllüdlü Bağırov Adik Yavər oğlu olduğu bildirilir. Onun cəsədi sudan çıxarılaraq aidiyyəti üzrə təhvil verilib.
Faktla bağlı araşdırmalar davam etdirilir.