Azərbaycanlı çoban kimi tanınan “O ses Türkiye” yarışmasının iştirakçısı Pərvin Səfərov ilk klipini çəkdirib.
Bu barədə Yeniavaz.com-a P.Səfərovun özü məlumat verib. O bildirib ki, klipin çəkilişləri İsmayıllı və Bakıda aparılıb: “Klipimin çəkilişləri İsmayıllı və Bakıda aparıldı. Bakı çəkilişləri dostumuzun mebel mağazasında reallaşdı. Klipin bütün ideyaları mənə məxsusdur. Mahnının sözləri gənc şairimiz Rüfət Sabirliyə, musiqisi isə özümündür”.
O, klipin maddi xərclərini qarşılamaq üçün qoyunlarını satdığını bildirib: “Sponsor tapa bilmədiyimə görə, məcbur olub qoyunlarımı satdım. Səsi olmayan bəzi qadın müğənnilər klip çəkdirəndə 100 dənə sponsor çıxır, ancaq mənim klipimə bir dənə də olsun maddi dəstək olan olmadı. Hər şeyi çətin də olsa özüm etdim. İlk klipimdir. Ümid edirəm ki, izləyicilərim tərəfindən bəyənilər və uğurlu olar. Bütün sevənlərimdən xahişim budur ki, ilk işimi izləyərək və paylaşaraq dəstək olsunlar ki, hər zamankı kimi uğurlarımda onların da payı olsun”.
Pərvin Səfərovun klipini təqdim edirik:
Tətbiqimizi yükləyə bilərsiniz
