Somalidə millət vəkillərinin olduğu oteldə terror olub – ölənlər var

Somalinin Kismayo şəhərində yerləşən otəllərin birində terror hadisəsi qeydə alınıb.
Yeniavaz.com xəbər verir ki, bu barədə “CNN” məlumat yayıb.
Məlumata görə, militanların törətdiyi terror hücumu nəticəsində 13 nəfər ölüb, 50-ə yaxın şəxs xəsarət alıb. Bildirilir ki, ölənlər arasında hakimiyyət nümayəndələri, yerli qəbilələrin ağsaqqalları və iki jurnalist olub. “Reuters” xəbər agentliyinin verdiyi məlumata görə, hadisə zamanı sözügedən oteldə millət vəkillərinin görüşü keçirilib.
Terror hücumlarını “Əl-Şəbab” terror qruplaşması öz üzərinə götürüb.
Qeyd edək ki, "Əl-Şabab" Somalidə məskunlaşan terror təşkilatıdır. İlk dəfə 2004-cü ildə “Hizbul Şəbab”adı ilə tanınıb.