Fransanın “Paris Saint-Germain” klubu 17 yaşlı “Barselona”nın və ispaniyalı vinger Lamin Yamala təzyiq göstərir ki, klubu ilə yeni müqavilə imzalamasın.
Yeniavaz.com xəbər verir ki, bu barədə “El Nacional” nəşri məlumat yayıb.
Mənbənin sözlərinə görə, parislilərin planı Laminə hazırda “Real Madrid”in şərəfini qoruyan ulduz forvard Kilian Mbappe ilə eyni maliyyə şərtləri ilə müqavilə təklif etməkdir. Fransa klubu gənc ispaniyalını bu göstəricidə klubun rekordçusuna çevirməyə hazırdır.
Qeyd edək ki, daha əvvəl mətbuatda Yamalın 18 yaşı tamam olanda “Barselona” ilə müqaviləsini yaxşılaşdırılmış şərtlərlə uzadacağı barədə xəbərlər yayılıb.
17 yaşlı Yamalın “Barselona” ilə əmək müqaviləsi 2026-cı ilin yayına kimi nəzərdə tutulub. İspaniyalı gənc bu mövsüm klubun heyətində 38 matçda 13 qol vurub və 17 məhsuldar ötürmə edib. “Transfermarkt”ın məlumatına görə, gənc oyunçunun transfer dəyəri 180 milyon avro olaraq qiymətləndirilir.
Tətbiqimizi yükləyə bilərsiniz
