Altıqat Olimpiya çempionu yaponiyalı gimnast Akinori Nakayama 83 yaşında vəfat edib.
Yeniavaz.com xəbər verir ki, bu barədə Yaponiya Gimnastika Assosiasiyasının mətbuat xidməti məlumat yayıb.
Ölümün səbəbi barədə məlumat verilmir.
Nakayama 1968-ci ildə Mexiko Olimpiadasında dörd qızıl, 1972-ci ildə Münhen Oyunlarında iki qızıl medal qazanıb. İdmançının həmçinin Olimpiya Oyunlarından iki gümüş və iki bürünc medalı var. Nakayama, Oyunlarda səkkiz qızıl medal qazanan gimnast Savao Katodan sonra, Yaponiyanın ikinci ən çox Olimpiya qızıl medalçısıdır.
Tətbiqimizi yükləyə bilərsiniz
