“Putinlə söhbət çox yaxşı və məhsuldar oldu” – Tramp

ABŞ Prezidenti Donald Tramp Rusiya Prezidenti Vladimir Putinlə söhbətinə münasibət bildirib.
Yeniavaz.com xəbər verir ki, o, bu barədə sosial şəbəkə hesabında məlumat yayıb.
Ölkə başçısı söhbəti çox yaxşı və məhsuldar adlandırıb:
“Bu gün Rusiya prezidenti Putinlə telefon danışığım çox yaxşı və məhsuldar oldu. Biz tam atəşkəsə nail olmaq və son nəticədə Rusiya ilə Ukrayna arasında bu dəhşətli müharibəyə son qoymaq üçün tez çalışacağımızı anlayaraq bütün enerji və infrastrukturda dərhal atəşkəsə razılaşdıq”.
Tramp əlavə edib ki, sülh sazişinin bir çox elementləri müzakirə edilib:
“Həm prezident Putin, həm də prezident Zelenski (Ukrayna Prezidenti Volodimir - red.) bunun sonunu görmək istəyir. Bu proses indi tam sürətlə gedir və ümid edirəm ki, insanlıq naminə biz işi görəcəyik”.