“Qızıl top” favoritlərinin yeni reytinqi – Mbappe birincidir

Nüfuzlu “Give me Sport” portalı 2025-ci ildə “Qızıl top”a əsas iddiaçıların yeni reytinq cədvəlini dərc edib.
Yeniavaz.com xəbər verir ki, Məhəmməd Salah PSJ-nin “Liverpul”u Çempionlar Liqasından kənarlaşdırmasından sonra reytinqdəki birinciliyini itirib.
Misirli hazırda əsas namizədlər arasında yalnız üçüncüdür.
Reytinqin birinci pilləsinə “Real Madrid”in lideri Kilian Mbappe yüksəlib.
İkinci yeri isə “Barselona”nın cinah oyunçusu Rafinya tutub.
İlk beşliyə dördüncü yeri tutan Vinisius Junior (“Real Madrid”) və beşinci yeri tutan Lamin Yamal (“Barselona”) daxil olub.
Qeyd edək ki, “Qızıl top”un hazırkı sahibi “Mançester Siti”nin braziliyalı yarımmüdafiəçisi Rodridir.