“ABŞ-nin Avropanın müdafiəsi üçün pul ödəməsinin mənası yoxdur” – Mask

“Vaşinqtonun Avropanın təhlükəsizliyini ödəməsinin mənası yoxdur”.
Yeniavaz.com xəbər verir ki, bu fikri ABŞ Hökumətinin Səmərəliliyi Departamentinə (DOGE) nəzarət edən İlon Mask bildirib.
“Biz həqiqətən bunu etməliyik. Amerikanın Avropanın müdafiəsi üçün pul ödəməsinin heç bir mənası yoxdur”, - bir istifadəçinin ABŞ-nin Şimali Atlantika Alyansını tərk etməsi çağırışını şərh edərkən deyib.
Xatırladaq ki, martın 6-da “NBC News” amerikalı rəsmilərə istinadən məlumat yayıb ki, ABŞ Prezidenti Donald Tramp ölkəsinin NATO-da iştirak formatının dəyişdirilməsi imkanlarını araşdırır və bu formatda Vaşinqton qarşılıqlı fəaliyyətdə təşkilatın büdcəsinə töhfələr üçün standartlara cavab verən müttəfiqlərə üstünlük verəcək.