“Bəzi hakimlər döyülməyə layiqdirlər” – Servet Çetin

Türkiyənin 1-ci liqa təmsilçisi “Amedspor”un baş məşqçisi Servet Çetin “Gençlerbirliği” ilə oyunda hakim qərarlarına etiraz edib.
Yeniavaz.com “Ajanspor”a istinadla xəbər verir ki, buna görə də o, oyunlarında xarici hakimlərin olmasını istədiyini açıqlayıb.
Sərvət Çətin komandada olduğu müddətdə 7-8 matçda hesaba təsir edəcək hakim qərarlarının olduğunu bildirib və bəzi hakimlərin həqiqətən də döyülməyə layiq olduğunu qeyd edib.
“Sözün əsl mənasında insanların haqqı ilə oynayırlar. Bu da insanları çətin vəziyyətə salır. Təbii ki, biz hakimləri döyənləri, hakimlərə qarşı zorakılıq tətbiq edənləri qınayırıq. Amma mən bəzən özümü çətinliklə saxlayıram. Bəzi hakimlər həqiqətən döyülməyə layiqdirlər. Çünki məqsədli şəkildə “Amedspor”un xal qazanmasına mane olmağa çalışırlar”, - baş məşqşi deyib.