“Ukrayna Prezidenti Volodimir Zelenski ilə mübahisədən sonra ABŞ Prezidenti Donald Tramp milli təhlükəsizlik rəsmilərinə Vaşinqtonun Ukraynaya silah tədarükünü müvəqqəti və ya tamamilə dayandıra biləcəyini yoxlamağı tapşırıb”.
Yeniavaz.com xəbər verir ki, bu barədə “The Wall Street Journal” məlumat yayıb.
Daha əvvəl “Washington Post” yazıb ki, Tramp administrasiyası onun Ağ Evdə Volodimir Zelenski ilə mübahisəsindən sonra Ukraynaya bütün hazırkı hərbi yardımın çatdırılmasını dayandırmağı düşünür.
“Mübahisəli görüşdən qısa müddət sonra Tramp milli təhlükəsizlik üzrə yüksək vəzifəli şəxslərə ABŞ-nin Ukraynaya cari silah satışını müvəqqəti və ya həmişəlik dayandıra biləcəyini araşdırmağı tapşırıb”, - ABŞ rəsmisinə istinadən nəşr bildirib.
Qeyd edilib ki, Amerika lideri hazırda Zelenskidən əlavə addım gözləməyi planlaşdırır.
Xatırladaq ki, Tramp və Zelenski cümə günü Vaşinqtonda görüşüb və bu, mübahisəyə çevrilib. Nadir torpaq metalları üzrə ABŞ-Ukrayna sazişinin imzalanması hər şey hazır olsa da, ləğv edilib və Zelenski Ağ Evi tərk etmək məcburiyyətində qalıb. Tramp deyib ki, o, Zelenskinin Rusiya ilə münaqişəni həll etmək istəyini görmür.
Tətbiqimizi yükləyə bilərsiniz
