Çexiya Prezidenti Petr Pavel Rusiya vətəndaşlarına Çexiya vətəndaşlığı almağı qadağan edən qanun imzalayıb.
Yeniavaz.com xəbər verir ki, vətəndaşlıqdan imtina etsələr belə, onlar Ukraynada müharibə bitənə qədər Çexiya vətəndaşlığı ala bilməyəcəklər.
Siyasi qaçqınlar və 15 yaşdan kiçiklər buraya daxil deyil.
Bundan başqa, Cinayət Məcəlləsinə xarici ölkə ilə icazəsiz əməkdaşlığı qadağan edən yeni maddə əlavə edilib.
Qanun layihəsinin əsas hissəsi ukraynalı qaçqınların ölkəyə qəbulu qaydalarını müəyyən edir.
Qaçqınların qəbulu rejimi bir il müddətinə uzadılıb, müvəqqəti müdafiə onlara dövlət sığortasına, təhsilə və əmək bazarına çıxış imkanı verir.
Yeni norma iqtisadi cəhətdən müstəqil olan qaçqınlara Çex Respublikasında təcili yaşayış icazəsi almağa imkan verir ki, bu da onlara daha sonra orada daimi yaşamaq imkanı verəcək.
Rusiya vətəndaşlarının Çexiya vətəndaşlığını almasını qadağan edən düzəliş etirazlarla qarşılanıb. Hüquq müdafiəçiləri də qanunun bu hissəsini tənqid ediblər.
Sənədin müəllifləri bu müddəaları milli təhlükəsizlik maraqları ilə izah ediblər.
Tətbiqimizi yükləyə bilərsiniz
