Venesuela Paraqvayla diplomatik əlaqələri kəsdi

Venesuela Paraqvayla diplomatik əlaqələri kəsib.
Yeniavaz.com xəbər verir ki, bu barədə Venesuela Xarici İşlər Nazirliyi məlumat yayıb.
Məlumata görə, müvafiq qərar Paraqvay Prezidenti Santyaqo Penyanın Venesuelanın hazırkı lideri Nikolas Maduronun seçkilərdəki qələbəsini tanımayan bəyanatları ilə əlaqədar qəbul edilib.
“Bununla əlaqədar olaraq, Venesuela Respublikası öz suverenliyini tam şəkildə həyata keçirərək Paraqvay Respublikası ilə diplomatik əlaqələri kəsmək və bu ölkədə akkreditə olunmuş diplomatik heyətini dərhal geri çağırmaq qərarına gəlib”, – Venesuela Xarici İşlər Nazirliyi bildirib.
Qeyd edək ki, bazar günü Penya “X” sosial şəbəkə hesabında Venesuela müxalifətinin lideri Edmundo Qonsales Urrutia ilə danışdığını və bir daha onun 2024-cü il prezident seçkilərində qalib gəldiyini bildirib.