Türkiyə Prezidenti Rəcəb Tayyib Ərdoğan Suriya məsələsi ilə bağlı amerikalı həmkarı Donald Trampa zəng etmək fikrində olmadığını deyib. "Yeniavaz.com"un Hürriyet qəzetinə istinadən verdiyi məlumata görə, Türkiyə lideri qeyd edib ki, hazırda ona zəng etməyi hələ düşünmür: "Çünki daha əvvəl bunlar barədə onunla söhbət etdik. O mənə tərəf dönməliydi. O mənə tərəf dönmədiyi müddət ərzində mən ona tərəf dönmərəm. Putinlə iki-üç gün əvvəl danışdıq, telefon diplomatiyamız davam edir". R. T. Ərdoğan Afrin əməliyyatında suriyalı müxaliflərin də iştirak edəcəyini qeyd edib: "Təbii ki, onlarla bərabər olacaq. Bu mübarizə onlara görə aparılır. Biz onlara torpaqlarına sahib çıxmaları üçün kömək göstəririk".
Tətbiqimizi yükləyə bilərsiniz
