Zimbabvedə prezidentliyə namizədin adı açıqlandı

"Zimbabve Afrika Milli İttifaqı – Vətənpərvərlik Cəbhəsi" hakim partiyası ölkə prezidenti vəzifəsinə Zimbabvenin sabiq vitse-prezidenti Emmerson Mnanqaqvunun namizədliyini irəli sürüb. Yeni prezidentin inauqurasiyasının noyabrın 24-də keçirilməsi planlaşdırılır. Yeni lider hakimiyyətdə istefa vermiş Robert Muqabenin səlahiyyət müddəti başa çatana qədər olacaq. Qeyd edək ki, Zimbabvedə növbəti prezident seçkiləri 2018-ci ilin sentyabrına qədər keçiriləcək. Xatırladaq ki, 1980-ci ildən Zimbabveyə rəhbərlik Robert Muqabe dünən tutduğu vəzifədən istefa verib. Bundan əvvəl ölkə parlamenti Muqabenin impiçmenti barədə qərar qəbul edib. Prezidentə istefa verməsi üçün 24 saat vaxt verilmişdi.Oxu.az