Dünyanın ən böyük hava gəmisi yerə düşdü

Dünyanın ən böyük hava gəmisi “Airlinder 10” Böyük Britaniyada yerə düşərək qəzaya uğrayıb.

“Yeniavaz.com”un RİA Novosti-yə istinadən verdiyi məlumata görə, təyyarə və dirijablın hibridindən ibarət uçan aparat Bedfoşir qraflığında sahəyə düşüb. Gəmi ağaca ilişdiyinə görə onun budaqları aparatın örtüyünü zədələyib, nəticədə heliumun sızması baş verib. “Airlander 10”nun 20 tonluq kabini tam dağılıb. Hava gəmisinin düzəldilməsinə 100 milyon funt-sterlinq xərclənib. Onun uzunluğu 92 metrdir, təqribən 4,0 kilometr hündürlüyə qalxa və saatda 148 kilometr sürət yığa bilir. Helium sayəsində “Airlander 10” havada 2 həftəyədək qala bilirdi.