“Qarabağ”ın Antalyadakı ilk rəqibi məlum olub

Azərbaycan Premyer Liqasının lideri "Qarabağ" Türkiyənin Antalya bölgəsindəki qış təlim-məşq toplanışına yanvarın 5-dən start verəcək. Klubun rəsmi saytında verilən məlumata görə, ilk yoxlama oyununu yanvarın 15-də olacaq. Həmin gün rəqib əvvəldən anons edildiyi kimi, Türkmənistan "Aşqabad"ı yox, Albaniyanın ən titullu klublarından sayılan "Şkenderbeu" olacaq. "Aşqabad"ın Antalyaya gəlişi sual altına düşdüyündən, "Qarabağ" başqa komanda ilə oynamağa qərar verib. Qeyd edək ki, Azərbaycan təmsilçisi yanvarın 18-də Rumıniyanın “Styaua”, yanvarın 22-də isə Qazaxıstanın “Atırau” və Polşanın “Termalitse” klubları ilə üz-üzə gələcək.Virtualorg.az