Planetin ən böyük video paylaşma sistemi olan "Youtube" hazırda dünyada və Azərbaycanda internet istifadəçilərinin ən çox daxil olduğu veb-sayt hesab olunur. 2005-ci ildə qurulan və 2006-cı ildə dünyanın ən böyük axtarış sistemi ola "Google" tərəfindən 1,65 milyard dollara satın alınıb. Yeniavaz.com bu ilin əvvəlinə olan statistik göstəricilərə istinadən xəbər verir ki, bugünə kimi "Youtube"da ən çox baxılan videolar "Ryan ToysReview" adlı kanal tərəfindən yüklənib. "Ryan ToysReview" kanalı tərəfindən "Youtube"yə yüklənən videolar bugünə kimi 16,9 milyard dəfə izlənilib. İkinci sırada yer alan "PewDiePie" kanalı tərəfindən yüklənən videolar internet istifadəçiləri tərəfindən 16,6 milyard dəfə izlənilib. "Ryan ToysReview" kanalının 12,4 milyon, "PewDiePie" kanalının isə 60,9 milyon abunəçisi var. Məlumdur ki, "Youtube" reklamlardan əldə etdiyi gəirlərin müəyyən bir hissəsini veb-sayta video yükləyən kanallarla paylaşır. Məşhur "Forbes" jurnalının məlumatına görə, "Ryan ToysReview" kanalının video paylaşmalardan əldə etdiyi gəlir 2017-ci ildə 11 milyon dolar olub.
Son illər Azərbaycanda da internet istifadəçiləri tərəfindən "Youtube" saytında kanallar açılmaqdadır. Açıqlanan son statistik göstəricilərə görə, qeydiyyat yeri kimi Azərbaycanı göstərən kanallar arasında videoları ən çox izlənilən "AzadliqRadiosu" hesab olunur. Bu günə kimi bu kanalın "Youtube" yüklədiyi videoları 155,3 milyon dəfə izləyiblər.
Şəxs adı daşıyan "Youtube" kanalları arasında videoları ən çox izlənilən isə "Mursel Qulami" kanalı olub - 61 milyon izləmə. Müğənni Röya Ayxanın kliplərinin paylaşıdığı "Röya Offical" kanalının videoları 47,7 milyon dəfə izlənilib. "Emin Efendi" adlı kanalın videoları 39,1 milyon, "Sema Abiyeva" kanalın videoları 14,2 milyon, "Pantural" adlı kanalın videoları 8 milyon, "Haci Ramil" adlı kanalın videoları 6,7 milyon, "Aygün Kazımova" adlı kanalın videoları 6,67 milyon, "Orxan Allahverdiyev" adlı kanalın videoları isə 6,4 milyon dəfə izlənilib.
Bunlardan başqa "Khan Arza", "Umud Urmulu", "Zara Agali", "Elnur Majıdlı", "İlkin Hasani" adlı kanallar tərəfindən yüklənən videolar da çox izlənənlər siyahısında ön sıralarda qərarlaşıblar.
Videoların izlənmə sayına görə ilk 10-luqda qərarlaşan kanallar bunlar olub:
Kanalınadı |
Videolarınizlənmə sayı |
Kanalın abunəçi sayı |
AzadliqRadiosu |
155 mln. 312 min 948 |
192 min 292 |
APA TV |
148 mln. 2 min 786 |
133 min 851 |
ATV Cinema |
133 mln. 811 min 175 |
152 min 916 |
BozbashPictures |
87 mln. 780 min 487 |
242 min 222 |
Kanal13AZ |
80 mln. 197 min 667 |
139 min 678 |
Baku Music Factory |
72 mln. 298 min 792 |
107 min 574 |
Mursel Qulami |
61 mln. 56 min. 223 |
84 min 372 |
Baku Online |
52 mln. 97 min 936 |
71 min 931 |
Plainrock124 |
49 mln. 105 min 809 |
294 min 515 |
Röya Offical |
47 mln. 735 min 75 |
104 min 25 |