Statistika Komitəsi: İşsiz statusu alanların sayı kəskin artıb

2018-ci il yanvar ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilən şəxslərin sayı 38 min 481 nəfər olub, onların 36,3 faizini qadınlar təşkil edib. Yeniavaz.com Dövlət Statistika Komitəsindən açıqlanan məlumatlara istinadən bildiri ki, rəsmi işsiz statusu verilən şəxslərin sayı son bir il ərzində 16,7% və ya 5 min 509 nəfər artıb. İl ərzində işsizlik müavinətinin orta məbləği 291,2 manat olub və 2016-cı illə müqayisədə 13,4% və ya 34,6 manat artım olub. İşsizlik müavinəti alanların sayı isə son bir il ərzində 3,7 dəfə və ya 5 min 117 nəfər artıb.

Qeyd edək ki, işsiz statusuna malik insanların təxminən yarısı - 18 min 926 nəfəri Bakı şəhərinin payına düşüb və son bir il ərzində 4000 nəfər artıb. Bu isə o deməkdir ki, ötən il ərzində işsiz statusu alanların 72,6%-i Bakının payına düşüb. Bakı şəhərindən sonra ən çox işsiz Bərdə, Mingəçevir, Sumqayıt, Gəncə şəhərlərində, Kəlbəcər və Ağdam rayonunda qeydə alınıb. Bərdədə işsiz statusuna malik şəxslərin sayı 1387, Mingəçevirdə 1433, Sumqayıtda 1287, Gəncədə 819, Kəlbəcərdə 907, Ağdamda isə 756 nəfər olub. İşsiz statusuna malik insanların ən az olduğu rayonlar arasında isə ilk yerlərdə Daşkəsən, Füzuli, Xocalı, Xocavand, Şuşa və Naftalan rayonları dayanır. Açıqlanan rəsmi məlumata görə, Daşkəsəndə 6, Füzulidə 15, Xocalıda 33, Xocavanddə 48, Şuşada 57, Naftalanda isə qeydiyyatdan keçən 62 işsiz insan var. Azərbaycanda işsiz statusuna malik insanların yaşamadığı rayonlar arasında isə Naxçıvan Muxtar Respublikasına daxil olan rayonlar yer alır. Muxtar Respublikaya daxil olan Naxçıvan şəhəri, Şərur, Babək, Ordubad, Culfa, Kəngərli, Şahbuz və Sədərək rayonlarında bir nəfər də olsun işsiz statusuna malik insan yoxdur.

Rayonlar üzrə işsiz statusu və müavinət alanların sayı: (1 yanvar 2018-ci il vəziyyətinə)

Şəhərlər və rayonlar	İşsiz statusuna malik olanlar, nəfər	onlardan müavinət alanlar, nəfər
Ölkə üzrə – cəmi	38 481	6 974
Bakı şəhəri – cəmi	18 926	3 448
Abşeron iqtisadi rayonu – cəmi	2 032	528
o cümlədən:
Xızı rayonu	70	18
Abşeron rayonu	675	160
Sumqayıt şəhəri	1 287	350
Gəncə-Qazax iqtisadi rayonu – cəmi	2 640	634
o cümlədən:
Gəncə şəhəri	819	161
Qazax rayonu	532	145
Ağstafa rayonu	149	32
Tovuz rayonu	228	40
Şəmkir rayonu	342	64
Gədəbəy rayonu	154	4
Daşkəsən rayonu	6	1
Samux rayonu	60	23
Göygöl rayonu	100	28
Goranboy rayonu	188	114
Naftalan şəhəri	62	22
Şəki-Zaqatala iqtisadi rayonu – cəmi	1 178	269
o cümlədən:
Balakən rayonu	251	59
Zaqatala rayonu	182	58
Qax rayonu	142	43
Şəki şəhəri	351	42
Oğuz rayonu	102	36
Qəbələ rayonu	150	31
Lənkəran iqtisadi rayonu – cəmi	1 213	222
o cümlədən:
Astara rayonu	103	2
Lənkəran şəhəri	427	135
Lerik rayonu	55	10
Yardımlı rayonu	67	11
Masallı rayonu	191	37
Cəlilabad rayonu	370	27
Quba-Xaçmaz iqtisadi rayonu – cəmi	1 386	205
o cümlədən:
Qusar rayonu	273	21
Xaçmaz rayonu	185	53
Quba rayonu	508	61
Şabran rayonu	223	10
Siyəzən rayonu	197	60
Aran iqtisadi rayonu – cəmi	7 487	1 099
o cümlədən:
Göyçay rayonu	622	79
Beyləqan rayonu	188	56
Ağcabədi rayonu	364	70
Bərdə rayonu	1 394	91
Neftçala rayonu	400	58
Biləsuvar rayonu	234	54
Salyan rayonu	132	26
Yevlax şəhəri	197	40
Mingəçevir şəhəri	1 433	110
Ağdaş rayonu	77	25
Ucar rayonu	57	13
Zərdab rayonu	58	13
Kürdəmir rayonu	460	35
İmişli rayonu	225	63
Saatlı rayonu	128	85
Sabirabad rayonu	398	32
Hacıqabul rayonu	632	156
Şirvan şəhəri	488	93
Yuxarı Qarabağ iqtisadi rayonu – cəmi	1 562	225
o cümlədən:
Cəbrayıl rayonu	361	89
Füzuli rayonu	16	6
Ağdam rayonu	756	54
Tərtər rayonu	291	34
Xocalı rayonu	33	10
Şuşa rayonu	57	18
Xocavənd rayonu	48	14
Xankəndi şəhəri	-	-
Kəlbəcər-Laçın iqtisadi rayonu – cəmi	1 366	204
o cümlədən:
Kəlbəcər rayonu	907	57
Laçın rayonu	97	64
Qubadlı rayonu	263	63
Zəngilan rayonu	99	20
Dağlıq Şirvan iqtisadi rayonu – cəmi	691	140
o cümlədən:
Qobustan rayonu	84	62
İsmayıllı rayonu	267	-
Ağsu rayonu	147	15
Şamaxı rayonu	193	63
Naxçıvan Muxtar Respublikası – cəmi	-	-

Statistika Komitəsi: İşsiz statusu alanların sayı kəskin artıb - Rayonların SİYAHISI

Şəhərlər və rayonlar

İşsiz statusuna malik olanlar, nəfər

onlardan müavinət alanlar, nəfər

DİGƏR XƏBƏRLƏR