Son illər ölkə ərzində ağciyər xəstəliklərinin dinamikasında müsbət dəyişikliklər müşahidə olunur. Səhiyyə Nazirliyində verilən məlumata görə, əgər 2010-cu ildə hər 100 min əhaliyə xəstələnmə göstəricisi 53 təşkil edirdisə, hazırda bu göstərici 39-a qədər azalıb. Məlumatda qeyd olunur ki, eynilə də ilkin aşkar olunmuş vərəm hallarının sayı 21% azalıb. Müalicə tədbirlərinin gücləndirilməsi və xəstələrin dərman preparatları ilə təmin olunması nəticəsində ölüm hallarının sayı da azalmaqdadır: 2010-cu ildə 100 min əhaliyə ölüm göstəricisi 7,9 təşkil etdiyi halda, 2016-cı ildə həmin göstərici 4,6 olunub.
Vərəmin gecikmiş və yayılmış formaların sayında da nəzərəçarpan irəliləyiş əldə edilib. 2010-cu illə müqayisədə bu xəstələrin sayı iki dəfə azalıb (7,6%-dən 3,4 %-ə enib).
Dərmanlara davamlı vərəmin yayılma səviyyəsində də müsbət nəticələr əldə edilib. Əgər 2007-ci ildə bu formalı ilkin xəstələr ölkəmizdə Avropa ölkələri arasında ən yüksək qeyd edilirdisə, hazırda bu göstərici həm ilkin, həm də təkrar xəstələr arasında təxminən iki dəfə azalıb.Oxu.az
Tətbiqimizi yükləyə bilərsiniz
