Firdovsi Umudov: İdmanı siyasətdən uzaq tutmaq istəsək də…

Boğazındakı iynə 19 il sonra çıxarıldı - Fotolar

Qripdən qorunmaq üçün nə etməli - Rusiyalı həkimdən məsləhət

Bazar ertəsi, 26 fevral 2018
TR EN RU

Menu

Bazar ertəsi, 26 fevral 2018
EN TR RU

CƏMİYYƏT

700 bal toplayan tələbələr qış imtahanını necə verir?!

07.01.2018 13:41

Ali təhsil müəssisələrinə keçirilən qəbul imtahanlarında ən yüksək nəticə göstərərək, 700 bal toplayan tələbələr daim ictimaiyyətin diqqət mərkəzində olur. Son illərin müşahidəsi göstərir ki, 700 bal toplayanların heç də hamısı tələbə olandan sonra təhsili yüksək nəticələrələ başa vura bilmir. Hətta, universiteti çox aşağı qiymətlərlə bitirənlər də olur.

Nəzərə alsaq ki, hazırda universitetlərdə qış imtahan sessiyası gedir, deməli çətinliklər qaçılmazdır.

İsmayıllı rayonu Lahıc qəsəbə tam orta məktəbin məzunu Vahab Cəbrayılov Bakı Ali Neft Məktəbində (BANM) proseslərin avtomatlaşdırılması ixtisası üzrə təhsil alır.

“Dərslərimi çox yaxşı oxuyuram. Hələ ki çətinliyim yoxdur. Qış imtahanlarından da yaxşı keçəcəyimə əminəm”.

Ağcabədi rayonu 3 saylı məktəb liseyin məzunu Arzu Məmmədova İqtisad Universitetinin beynəlxalq iqtisadi məktəb və maliyyə ixtisası üzrə təhsil alır.

“Qrup nümayəndəsiyəm. Təhsilimi ingilis dilində alıram. Orta məktəbi Azərbaycan bölməsi üzrə bitirsəm də, ingilis dilində oxumağın çətin olduğunu düşünürdüm. Amma çətin olmadı. Dərslərimi yüksək qiymətlərlə oxuyuram”.

Paytaxtdakı Zərifə Əliyeva adına liseyin məzunu Səbinə İsmayılova Bakı Dövlət Universitetinin Hüquq fakultəsində oxuyur:

“BDU-nun Hüquq fakultəsində Azərbaycan dili üzrə təhsil alıram. Dərslərdən çətinliyim yoxdur. Müəllimlərim də çox yaxşıdırlar. Onlardan öyrənməyə dəyər. Qış imtahanlarından da yaxşı nəticə gözləyirəm”.

Nəsimi rayonu 111 saylı orta məktəbin məzunu İlhamə Hüseynova da Bakı Dövlət Universitetinin Hüquq fakultəsində təhsil alır.

“Təhsilim ingilis dilindədir. Dərslər yeni başlayanda çətinliyim vardı. Şükürlər olsun ki, indi hər şey qaydasındadır. Dərslərimi yaxşı oxuyuram. Sadəcə, çətinliyim ədəbiyyatların tapılması ilə bağlıdır. Başqa problemim yoxdur. İmtahanlara da yaxşı hazırlaşıram”.

Bakı şəhəri, Suraxanı rayonu 278 saylı orta məktəbin məzunu Pərvin Əhmədova ADA Universitetində təhsil alır.

“ADA-nın İctimai münasibətlər fakultəsində oxuyuram. Tədris prosesindən razıyam. Hələ ki yaxşı oxuyuram. Zəif nəticə göstərmirəm. Demək olar, dərslərimə daha yaxşı vaxt ayırıram”.modern.az

Oxundu 208

© 2018 - NSPSOLUTIONS