Akademik: Nuh peyğəmbər oğlu ilə telefonla danışıb - VİDEO

Həzrəti Nuh ilə oğlu mobil telefonla danışıb.

“Yeniavaz.com”un “Sözcü” qəzetinə istinadən verdiyi məlumata görə, bu iddia ilə Türkiyənin İstanbul Universitetinin Dəniz elmləri fakultəsinin müəllimi Yavuz Örnek çıxış edib. O bu fikri TRT telekanalında yayımlanan “Öteki Gündem” verilişində səsləndirib. Y. Örnek proqramda “Nuh tufanı” mövzusu barədə danışarkən qeyd edib ki, Hz. Nuh peyğəmbərin dövründə indikindən daha yüksək səviyyədə texnologiya olub. O, elm adamı olaraq bunu sübut edə biləcəyini iddia edib. Universitet müəllimi qeyd edib edib ki, tufan zamanı Hz. Nuh ona inanmayaraq gəmiyə minməyən oğlunu fikrindən daşındırmaq üçün mobil telefonla danışıb.