Argentinada polis futbolçuları güllələdi VİDEO

ANS-in keçmiş əməkdaşının həbs olunduğu bidirilir

Oktay Şirəliyevin oğlu islam iqtisadiyyatını bilən 500 iqtisadçı arasına düşüb

çərşənbə, 13 dekabr 2017
TR EN RU

Menu

çərşənbə, 13 dekabr 2017
EN TR RU

İQTİSADİYYAT

İdxal edilən buğda, düyü və qarğıdalıya tətbiq olunacaq yeni gömrük rüsumları açıqlanıb

23.11.2017 15:14

Gələn il yanvarın 1-dən Azərbaycana idxal edilən dənli bitkilərə tətbiq edilən gömrük idxal rüsumları dəyişəcək. Bu, Nazirlər Kabinetinin təsdiq etdiyi “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə əksini tapıb.

Hazırda qüvvədə olan “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri”nə əsasən səpin üçün ölkəyə gətirilən qabığı soyulmamış düyüyə yanvar, fevral, mart və aprel aylarında gömrük dəyərinin 5 faizi, digər aylarda gömrük dəyərinin 15 faizi həcmində gömrük idxal rüsumu tətbiq edilir. Gələn il yanvarın 1-dən isə səpin üçün ölkəyə gətirilən qabığı soyulmamış düyüyə yanvar, fevral, mart və aprel aylarında gömrük idxal rüsumu tətbiq olunmayacaq. Digər aylarda isə səpin üçün ölkəyə gətirilən qabığı soyulmamış düyüyə gömrük dəyərinin 5 faizi həcmində gömrük idxal rüsumu tətbiq ediləcək. İstehlak məqsədi ilə ölkəyə gətirilən düyüyə tətbiq edilən 15 faiz gömrük idxal rüsumu qüvvədə qalıb.

Hazırda ölkəyə toxumluq və istehlak üçün gətirilən çovdara 5 faiz, toxumluq arpaya 0,50 faiz, istehlak məqsədli arpaya 5 faiz, toxumluq və istehlak məqsədli qarğıdalıya 0,50 faiz gömrük idxal rüsumu tətbiq edilir. Gələn il yanvarın 1-dən ölkəyə toxumluq üçün gətirilən çovdara, arpaya, toxumluq qarğıdalıya, o cümlədən istehlak məqsədi ilə gətirilən qarğıdalıya tətbiq edilən gömrük idxal rüsumu ləğv edilib. Ölkəyə istehlak məqsədi ilə gətirilən çovdar və arpaya tətbiq edilən 5 faiz gömrük idxalı rüsumu isə qüvvədə qalacaq.

Qeyd edək ki, hazırda ölkəyə toxumluq və istehlak məqsədi ilə gətirilən buğda gömrük idxal rüsumundan azaddır. Nazirlər Kabinetinin qəbul etdiyi “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə də buğdaya gömrük idxal rüsumunun tətbiqi nəzərdə tutulmayıb.

Oxundu 167

© 2017 - NSPSOLUTIONS