Kriştiano Ronaldo 2018-ci il dünya çempionatından sonra “Real” Madriddən gedəcək. “Yeniavaz.com”un RBK-ya istinadən verdiyi məlumata görə, bu barədə “El Chiringuito de Jugones” xəbər verir. “Real”ın prezidenti Florentino Peres portuqaliyalı hücumçunu komandada saxlamaq niyyətindədir, lakin o, müqaviləni uzatmaqdan imtina edib. K. Ronaldo “Real”ın yayda komandanın yeni lideri ola biləcək ulduz futbolçu almağa hazırlaşmasından narazıdır. Söhbət braziyalı Neymardan və fransız Kilian Mbappedən gedir. Bundan başqa, o, klubdakı indiki vəziyyətindən narazıdır. Qeyd edək ki, K. Ronaldonun “Real”la müqaviləsi 2021-ci ilədəkdir.
Tətbiqimizi yükləyə bilərsiniz
