Valideynləri İŞİD-ə qatılan uşaqların Azərbaycana gətirilməsi üçün işlərə başlanılıb. Artıq bir sıra dövlət qurumları 2 yaşlı Xədicə və qardaşı 3 yaşlı Abdullanın Bağdaddakı sığınacaqdan Bakıya gətirmək üçün danışıqlar aparır. Qeyd edilir ki, uşaqların qohumları tapılmayıb. Bu istiqamətində işlər gedir, araşdırma aparılır. Yaxın günlərdə səlahiyyətli qurumlar bu barədə rəsmi açıqlama verəcəklər.
Xatırladaq ki, adıçəkilən körpələr İraqın Təlafər şəhərindən xilas edilərək, Bağdada gətiriliblər. Rusiya Televiziyasının əməkdaşları həmin uşaqları İraqın paytaxtındakı sığınacaqda çəkiblər. Azyaşlı Abdulla jurnalistin sualına cavab olaraq, atası və anasının Mosulda öldüyünü deyib.Qafqazinfo.az
Tətbiqimizi yükləyə bilərsiniz
