Rusiya ilə Azərbaycan arasında yeni körpü tikiləcək

Rusiyanın Baş ekspretiza idarəsi sənədlərə yenidən baxıb.

Rusiya ilə Azərbaycan arasında körpü salınacaq. "Vestikavkaza.ru"nun verdiyi məlumata görə, Rusiyanın Baş ekspretiza idarəsi Azərbaycan tərəfdən Samur çayı, qarşı tərəfdən isə Yaraq Qazmalar məntəqələri arasındakı körpünün layihə sənədlərinə baxış həyata keçirib. Dövlət sərhəddi bu körpünün mərkəzindən keçəcək.

Artıq tikinti layihəsinin smeta sənədlərinin təkrar yoxlaması da həyata keçirilib.

Rusiya Federasiya Şurasının sədr müavini İlyas Umaxanov daha öncə Samur çayı üzərindən yeni körpünün inşaasının iki ölkə arasında əməkdaşlığı daha da gücləndirməyə imkan verəcəyini demişdi. "Bu çox vacib və uzun müddət gözlənilən qərardır. Belə ki, bir çox layihələr məhz körpü ilə bağlıdır. Biz Azərbaycandan kənd təsərrüfatı məhsullarının nəqlinin artırılmasından saatlarla danışa bilərik. Amma loqistika problemini həll etməmiş bu olmayacaq. İlk növbədə körpü məsələsi həll edilməlidir. Çünki bəzən orada nəqliyyat kollapsina səbəb olacaq hadisələr baş verir".İstiPress