Meksikada zəlzələ nəticəsində ölənlərin sayı 226 nəfərə çatıb VİDEO, FOTOLAR YENİLƏNİB

Meksikada güclü zəlzələ nəticəsində ölənlərin sayı 226 nəfərə çatıb. Bu barədə ölkənin Qəza-Xilasetmə Xidmətinin rəhbəri bildirib.

*** 9:19

Meksikada baş verən dəhşətli zəlzələ nəticəsində ölənlərin sayı 149 nəfərə çatıb.

RİA Novostinin verdiyi məlumata görə, bu haqda ölkənin xilasetmə xidmətinin başçısı Felipe Punte Twitter səhifəsində yazıb.

55 nəfər Morelos, 32 nəfər Puebla, 10 nəfər Mexiko və 3 nəfər Qerrero ştatlarında ölüb. Daha 49 nəfər isə ölkənin paytaxtı Mexiko da həlak olub.

Qeyd edək ki, Meksikanın Puebla de Saraqosa şəhəri yaxınlığında 7,1 bal gücündə zəlzələ baş verib. Yeraltı təkanlar UTC vaxtı ilə saat 18:14-də baş verib. Zəlzələ Puebla de Saraqosa şəhərindən 49 km cənub-qərbdə yerləşib. Zəlzələnin ocağı 60 km dərinlikdə olub.