Bu gün Bolqarıstan Albena şəhərində yeniyetmə boksçular arasında Avropa birinciliyi start götürəcək. 8 gün davam edəcək yarışda Azərbaycan millisi tam heyətlə mübarizə aparacaq. Ölkəmizi baş məşqçi Vaqif Kazımov və məşqçi Oqtay İbrahimovun rəhbərliyi altında Maqsud Xasmetov (46 kq), Rüfət Fətullayev (48 kq), Cəlal Qurbanov (50 kq), Əzrək Bəbirov (52 kq), Əlzamin Səlimov (54 kq), Elşən Cəbizadə (57 kq), Fərid İsmayıllı (60 kq), Səlim Səlimov (63 kq), Rüfət Nəbiyev (66 kq), Cahid Qurbanov (70 kq), Murad Allahverdiyev (75 kq), Adil Vəliyev (80 kq) və Vüqar Səmədov (+80 kq) təmsil edəcəklər. Qeyd edək ki, birinciliyə 32 ölkədən 260 boksçu qatılacaq.
Tətbiqimizi yükləyə bilərsiniz
