Azərbaycanda növbəti zəlzələ

AzTV-də “Ayə, harayə gedirsən, ayə?” oxudu - VİDEO

Tağı Əhmədov icra başçısı olmaq istəyir

Cümə, 24 noyabr 2017
TR EN RU

Menu

Cümə, 24 noyabr 2017
EN TR RU

ƏDƏBİYYAT

Məşhur bioloqun əsəri Azərbaycan dilində

06.09.2017 12:55

Edvard Vilsonun “Gənc alimə məktublar” kitabı Azərbaycan dilində çapdan çıxıb.

"Yeniavaz.com"un verdiyi məlumata görə, kitabda alimin “Gənc alimə məktublar” əsəri ilə yanaşı “Mənəviyyatın bioloji əsasları” adlı geniş məqaləsi də yer alıb.

Əsər dilimizə Elmir Misirzadənin təşəbbüsü və Yalçın İslamzadənin məsləhəti ilə tərcümə edilərək nəşr edilib.

Kitab həm də “Misirzadə Yayınları”nın ilk nəşridir.

Elmir Misirzadənin məlumatına görə “Gənc alimə məktublar” əsərini Aybəniz Həsənova, “Mənəviyyatın bioloji əsasları” məqaləsini isə Aygün Qurbanlı tərcümə edib.

Redaktoru Səbuhi Şahmursoy, elmi redaktoru isə Orxan Əmrullayevdir.

Kitabın ərsəyə gəlməsində “Kitabsevərlər” qrupunun da texniki və mənəvi dəstəyi var.

Amerikalı bioloq bu kitabında gənc araşdırmaçılara kariyera sahəsi tapmaq, yol seçmək və elmi nəzəriyyələri həqiqi dünyaya tətbiq etmək kimi mövzularda tövsiyyələr edir.

Müəllif gənc araşdırmaçı və alimlərə özlərini və kəşflərini necə təkmilləşdirəcəkləri barədə yol göstərməklə bərabər onların elmdə müvəffəq olmalarının da vacibliyini çox sadə dillə izah edir.

Beləliklə, gənc alimlərə bir sıra praktik nəsihətlərlə yanaşı fəlsəfi baxış bucağı da təqdim etmiş olur.

“Gənc alimə məktublar” kitabının təqdimatı sentyabrın 10-da saat 15-00-dan 17-00-dək “BookZone” Kitab Evində baş tutacaq.

Xatırladaq ki, kitabın qiyməti 9 AZN olsa da, yalnız təqdimat günü tələbə və şagirdlərə 8 AZN-ə satılacaq.

Oxundu 324

© 2017 - NSPSOLUTIONS