“Böyük yeddilik” ölkələri (G7) lazım olarsa, Ukraynaya görə Rusiyaya qarşı sanksiyaları gücləndirməyə hazırdırlar. “Yeniavaz.com”un RİA Novosti-yə istinadən verdiyi məlumata görə, bu barədə G7 sammitinin yekun bəyannaməsində deyilir. Bəyannamədə qeyd edilir ki, Rusiya öz öhdəliklərini yerinə yetirərsə, sanksiyalar ləğv edilə bilər: “Buna baxmayaraq, biz, həmçinin lazım olacağı təqdirdə Rusiyanın ödəməli olduğu qiyməti artırmaq üçün növbəti məhdudlaşdırıcı tədbirlər görməyə hazırıq”. Sənəddə o da bildirilir ki, mövqelərin fərqli olmasına baxmayaraq, G7 ölkələri Rusiya ilə regional böhranları və dünya çağırışları üzərində işi birləşdirmək istəyirlər. Xatırladaq ki, G7 sammiti İtaliyanın Taormina şəhərində işinə yekun vurub.