NATO gələcəkdə ilk növbədə diqqəti terrorçuluqla mübarizəyə, miqrasiya problemlərinə, habelə Rusiya tərəfindən təhdidlərə ayırmalıdır. “Yeniavaz.com”un TASS-a istinadən verdiyi məlumata görə, bunu ABŞ Prezidenti Donald Tramp NATO-nun yeni mənzil-qərargahında deyib. Onun sözlərinə görə, NATO gələcəkdə terrorçuluğa, miqrasiyaya, eləcə də Rusiya tərəfindən və alyansın şərq və qərb sərhədlərindən təhdidlərə böyük diqqət yetirməlidir. D. Tramp qeyd edib ki, terrorçular qatildirlər və uğursuzdurlar: “Onları yorulmadan təqib etmək lazımdır. Terrorçuları cəmiyyətimizdən qovmalı və onların bir daha geri qayıtmalarına imkan verməməliyik”.
Tətbiqimizi yükləyə bilərsiniz
