Rusiya və İran arasında “mal qarşılığında neft” müqaviləsi bağlanıb. “Yeniavaz.com”un RİA Novosti-yə istinadən verdiyi məlumata görə, bunu İranın neft naziri Bijan Zangane deyib. Onun sözlərinə görə, İran Rusiya tərəfinin implementasiyasını (yerinə yetirilməsini) gözləyir. Nazir bildirib: “Bizim çətinliyimiz yoxdur, müqaviləni imzaladıq, hər şey tərəflər arasında əlaqələndirilib”. Rusiya və İran arasında “mal qarşılığında neft” proqramı üzrə əməkdaşlıq artıq 2017-ci ildə başlaya bilər. Rusiya Energetika Nazirliyi daha əvvəl bəyan etmişdi ki, “mal qarşılığında neft” müqaviləsi çərçivəsində İrandan neft alışı sutkada 100 min barel, ildə isə təqribən 5 milyon ton təşkil edə bilər. Rusiyanın İrandakı ticarət nümayəndəsi Andrey Luqanski isə bildirmişdi ki, bu proqram çərçivəsində Rusiya İana ildə 45 milyard dollar dəyərində mal tədarük edə bilər.