Texnoloji nəhənglər “Facebook” və “Google” bu il dünyanın rəqəmsal reklam bazarında liderliklərini qoruyacaqlar. “Yeniavaz.com”un “Vesti.ru”ya istinadən verdiyi məlumata görə, “eMarketer” araşdırma şirkətinin proqnozunda bildirilir ki, “Google” 2017-ci ildə reklamdan 72,69 milyard dollar gəlir əldə edəcək. “Facebook”da isə bu rəqəm 33,76 milyard təşkil edəcək. Ümumilikdə bu, bütün dünyada rəqəmsal reklam üzrə xərclərin məbləğinin 46,4 faizi deməkdir. 2017-ci ildə reklamverənlərin rəqəmsal format üzrə ümumdünya xərcləri 17,4 faiz artaraq 583,91 milyard dollara çatacaq, bu da ümumi reklam büdcəsinin 38,3 faizini təşkil edəcək.