Rafiq Əliyev və Cavid Təvəkkülün "Dərs" bədii filmi 15-ci Dəkkə Beynəlxalq Film Festivalının "Uşaq filmləri" bölümünə dəvət alıb. Festival 12-20 yanvar tarixlərində Banqladeşin paytaxtı Dəkkə şəhərində keçiriləcək. Bu barədə saytımıza Cəfər Cabbarlı adına "Azərbaycanfilm" kinostudiyasından məlumat verilib.
Məlumat üçün bildirək ki, "Dərs" tammetrajlı bədii filmi Azərbaycan Respublikası Mədəniyyət və Turizm Nazirliyinin dəstəyi ilə Cəfər Cabbarlı adına "Azərbaycanfilm" kinostudiyasında lentə alınıb.
Filmin beynəlxalq təqdimatı Almaniyanın 34-cü Münhen Film Festivalında baş tutub. Film Rusiyanın 25-ci "Kinoşok" Beynəlxalq Film Festivalının "KinoMalıŞok" proqramının "Ən yaxşı film", Belarusiyanın 23-cü "Listapad" Minsk Beynəlxalq Film Festivalının "Qızıl Listapadik" mükafatlarına layiq görülüb. "Dərs" filmi həmçinin Hindistanın 5-ci Delhi Beynəlxalq Film Festivalında nümayiş olunub.
Filmin ssenari müəllifləri Elza Ağayeva və Anastasiya Volkova, quruluşçu operatoru Rauf Qurbanəliyev, quruluşçu rəssamı Fikrət Ələkbərov, bəstəkarı Tünzalə Ağayeva, icraçı prodüseri Vüsal Abbasov, prodüseri Müşfiq Hətəmovdur. Filmdə baş rolları Tamerlan Ağayev, Aliyə Əliyeva, Rəşid Əliyev, Ayna Zərbəliyeva, Nazim İbrahimov, Mənsurə Əhmədova və digərləri canlandırıblar.
Qvami Məhəbbətoğlu
Tətbiqimizi yükləyə bilərsiniz
