Daxmalarda yaşayan məcburi köçkünlər...

Tramp etirazlara cavab verdi

"Yoxsa kimlərsə yenə qaz vurub, qazan dolduracaq, iqtisadiyyata isə faydası dəyməcəyək"

Bazar ertəsi, 23 yanvar 2017

Menu

Bazar ertəsi, 23 yanvar 2017

Yazarlar

Nicat İntiqam

Ömür boyu vicdan əzabı çəkməyəcəkmi?

19.01.2017 17:43

O gün işdən çıxıb evə gedirdim, metronun qarşısında gördüm 2 cavan oğlan bir yeniyetmənin qoluna girib kənara sürüyür. Yeniyetmə zarıyır, sanki ağlamaq istəyirdi. Onu hasarın üstünə uzatdılar, bir çoxları kimi mən də ayaq saxlayıb nə olduğu ilə maraqlandım. Cavanlardan biri dedi ki, bəs bu oğlanın qardaşının yoldaşının, yəni gəlinlərinin başına bir iş gəlib, bu da ona görə çoxlu içib. Həmin oğlanın qardaşının yoldaşının başına nə iş gəldiyi əgər sizin üçün maraqlıdırsa, yazımın sonunda deyəcəyəm, amma onadək oxşar bir məsələyə toxunmağı vacib bilirəm.

Heç bilirsiniz bu gün Azərbaycanın bölgələrində uşağı olmadığı üçün nə qədər gözəl-göyçək, ağıllı-başlı gəlinlər evdən qovulur?

Bir az aydın yazım: tutaq ki, bir qız el adəti ilə bir ailəyə gəlin köçür. Aradan bir müddət keçir və bu cütlüyün uşağı olmur. Həmişə olduğu kimi, söhbətə nəslin canlı "radioları" qarışır: "hələ heç nəyiniz yoxdur?", "nə xəbər var?", "camaatın uşağı məktəbə gedir, sən bizim gədəyə bir uşaq verəmmədin" kimi suallar. Günahkar çox vaxt gəlin bilinir. Tutaq ki, həkim müayinəsindən keçilir və məlum olur ki, gəlinin səhhətində problem var. Bir neçə il keçir və uşaq olmadığı üçün gəlin evdən açıq-açığına qovulur. Yəni deyirlər ki, "sən doğammadın, get dədənin xarabasına, oğlumuzu təzədən evləndirəcəyik". Baxmırlar, bu gəlin ağıllıdır, mədənidir, lap belə deyək, gözəldir - uşağı olmursa, qayıtmalıdır dədəsinin evinə. Bu yazıq gəlin də kor-peşman qayıdır ata evinə. Bir düşünmürlər ki, guya bu yazıq, bu biçarə adam uşağının olmamasını istəyərdimi? Axı uşaq olmursa, bu yazıq neyləsin? Hansı gəlin istəyər ki, ana olmasın?

Bunu fikirləşməyən xəstə təfəkkürlü adamlar gəlini evdən qovurlar və oğlanı başqası ilə evləndirirlər. İkinci evlilikdən uşağı olanlar da olur, olmayanlar da.

Kimsə düşünməsin ki, ölkəmizdə belə adamların, belə hadisələrin sayı azdır. Maraqlanın, görəcəksiniz ki, xüsusən, bölgələrimizdə kifayət qədərdir.

Lap tutaq ki, böyüklər bunu tələb edir - bəs o oğlanın ağlına nə gəlib? Ömür boyu vicdan əzabı çəkməyəcəkmi, görəsən? Haradan bilirsən ki, bir insanın həyatını məhv edib başqası ilə evlənməyindən dünyaya gələn övladın necə bir adam olacaq?

Allahı, onun bəndəsini sevən, insanlığı olan bir adam, bir ağsaqqal, ağbirçək mənə elə gəlir ki, bir gəlini uşağı olmadığı üçün evdən qovmamalıdır. Bu nə Allaha xoş gedər, nə də bəndəyə. Hələ o qıza, onun valideynlərinə, əzizlərinə necə dəhşətli təsir göstərir, onu demirəm.

Allah insaf versin, yəqin ki, elədiyiniz bu əməl bir gün çıxacaq qarşınıza.

Nə yaxşı ki, bu səbəbdən ayrılan xanımlarla sonradan ailə quranlar, onlara mənəvi dəstək olanlar var...

Mənə elə gəlir ki, övladı olmadığı üçün gəlinini evdən qovanların sayının artmasında cəmiyyət olaraq bizim də məsuliyyətimiz az deyil. Bu addımı atan ananı, atanı, əri heç nə olmamış kimi qəbul ediriksə, yenə onlarla deyib gülürüksə, əmi, xala, bibi deyiriksə, biz də onların tayıyıq. Bu insanlara sözlə deyə bilməsək də əməlimizlə səhv etdiklərini başa salmalıyıq, üzlərinə vurmalıyıq. Heç kim belə əməllərdən sığortalanmayıb.

Sonda qayıdıram yazımın əvvəlində bəhs etdiyim hadisəyə. Yeniyetmənin metronun qarşısında o vəziyyətə düşməsininin səbəbi valideynlərinin qardaşının yoldaşını uşağı olmadığı üçün evdən qovmalarıdır. Nə bilim, bu cavan oğlan da öz aləmində valideynlərinə bu cür etiraz edib.

Oxundu: 663

  • Ömür boyu vicdan əzabı çəkməyəcəkmi?

    19.01.2017 17:43
    O gün işdən çıxıb evə gedirdim, metronun qarşısında gördüm 2 cavan oğlan bir yeniyetmənin qoluna girib kənara sürüyür.
  • Çətin düzələ

    22.12.2016 13:56
    Sosial şəbəkələrin üstünlükləri çoxdur, amma bir çox insanlar burada özlərini olduqlarından fərqli təqdim edə bilirlər...
  • Yığışdır əəəə - son günlər gördüklərim

    19.12.2016 13:23
    Dedi yox bala, sənin xəbərin yoxdur, qazın və işığın tarifi köhnə qiymətlə hesablanacaq
  • Boşanmamaq üçün

    06.12.2016 13:11
    10-cu sinifdə oxuyurdum, ailəlikcə yaxın qohumumuzun toyuna getmişdik.
  • "O nə səsdi gəlir?"

    28.11.2016 17:18
    İşdən gec çıxsam da, evə tez çatdım.
  • Zaurun fəxri adı

    16.11.2016 14:31
    Azərbaycanın tanınmış televiziya və radio işçilərinə fəxri adların verilməsi müzakirə mövzusuna çevrildi.
  • Dünyanın tramplini...

    11.11.2016 11:01
    Azərbaycan dilinin izahlı lüğətində trapmlin sözü var. Bu sözün izahı belədir - gimnastika, suya tullanma və s. idman növlərində idmançının daha yüksəyə
  • Mollanın telefon qorxusu

    03.11.2016 17:41
    Ailəsinə xəyanət edən kişilər kimi, qadınlar da var.
  • Gədəbiyyat

    03.11.2016 11:45
    Son günlər 2 kitab oxumuşam.
  • Qəribə adamlar

    26.10.2016 11:40
    “Dərdi dünya olanın dünya qədər dərdi olar”. Nə qədər dəqiq, gözəl deyilmiş fikirdir.
  • Dərs

    25.10.2016 20:30
    Yağış yağanda çox vaxt qızım Xədicəni məktəbdən evə mən gətirməli oluram.
  • Söz verirəm...

    19.10.2016 11:36
    Havalar soyuyub, hamı yağışın gətirdiyi problemlərdən danışır.
  • Azərbaycanda nə dəyişdi?

    11.10.2016 10:41
    Revmatizm xəstəliyindən əziyyət çəkən anamı qış aylarında hər dəfə qucağında odun daşıyan görəndə çox pis olurdum.
  • Bir ölkənin rifahı insanların dişindən bəlli olar

    10.10.2016 19:34
    Rayon, kənd yerlərinə gedəndə həmişə bir şey diqqətimi çəkir - insanların çoxunun ağzında dişi yoxdur.
  • Kənddə şəhər arzusu

    08.10.2016 15:32
    Kənddəki gənclərin əksəriyyəti şəhərdə yaşamaq istəyir.

© 2017 - NSPSOLUTIONS