Bakıda qəribə hadisə: Sərnişinlərin ayaq üstə durduğu avtobusda itləri oturacaqlarda oturdublar FOTO - VİDEO

Əlillərlə bağlı yeni qanun layihəsi hazırlanıb

Azərbaycanda işləyənlərin və işsizlərin sayı açıqlandı RƏSMİ MƏLUMAT

Cümə axşamı, 14 dekabr 2017
TR EN RU

Menu

Cümə axşamı, 14 dekabr 2017
EN TR RU

Yazarlar

Əziz Mustafa

"Erməni xəstəliyi"nə tutulanlar

30.06.2017 19:50

Tarixdə ermənilər qədər özlərini məzlum millət kimi göstərərək güclülər qarşısında ağlayıb-sızlayan və eyni zamanda olduqca hiyləgərlikə bundan öz millətlərinin xeyiri üçün istifadə edən ikinci xalq tapmaq bəlkə də çətindir. Ermənilərin yalandan ağlayıb -sızlamaları Şərqdə lətifəyə çevrilib. Deyirlər ki, erməni qarşında göz yaşları tökərək ağlayıb-sızlayırsa, bil ki, bundan məqsədi səni aldadaraq ilan kimi çalmaq olacaq. Hər halda mən məsələ ilə bağlı tarixi-nadir açmaq istəmirəm. Ancaq "Qabusnamə"də ermənilərin adı hiyləgər, özünü üzdə ağasına sadiq nökər kimi göstərən, ancaq imkan düşən kimi ona xəyanət edən və arxadan xaincəsinə zərbə vuran tayfa kimi çəkilir.

Ermənilərin ağlayıb-sızlama vərdişləri bəzi tarixçilər tərəfindən "erməni xəstəliyi" adlandırılır və bu xəstəliyin vaxtaşırı onlara bəlalar gətrdiyi vurğulanır. Çox təssüflər olsun ki, vaxtı ilə ağlayıb-sızlamağı özünə ar bilən, rəhmətlik Mirzə Ələkbər Sabirin təbiri ilə desək ağlamaqla kişi qeyrətsizləşir deyən, ağır vaxtlarında belə özlərini mərdi-mərdana aparan bir millətin bəzi övladları sanki indi daxildə bir-birləri ilə ağlayıb-sızlamaq yarışına giriblər. Kimi dindirərsən, halını soruşmağa peşman olursan. O saat başlayır ağlayıb-sızlamağa, ay aman, vəziyyətim ağırdır, acından ölürəm, mənə bir yardım edən lazımdır. Amma bu ağlayıb-sızlayanın vəziyyətini analiz edəndə görürsən ki, zalım oğlunun loru dildə desək yalnız donuzu əskikdir.

Yəni onun faktiki olaraq hər şeyi var. Bu yaxınlarda keçmiş tanışlarımdan biri iş yerlərində daim özünü məzlum kimi göstərən birinin müntəzəm olaraq müdiriyyətin yanına qaçaraq gah o, gah bu maddi probleminin olduğunu deyrək ağlayıb-sızlayadığını, kömək istədiyini, hamının da ona yardım etməyə çalışdığını söylədi. Onun sözlərinə görə, bir sırf təsadüf nəticəsində məlum olub ki, bu ağlayıb-sızlayanın rayonda hektarlarla torpaq sahəsi, fındıq, alma bağları, villası, Bakıda iki yerdə evi var. Əvvəlcə buna inanmayıb, deyilənlərin lətifə olduğunu fikirləşiblər. Amma sonra ağlayıb-sızlayaraq hər dəfə bu yolla müdiriyyətdən nə isə qoparmağa çalışan adamın həqiqətən də kifayət qədər imkanlı olduğu aydın olub. Əvvəlcə uzun müddət həmin ağlayıb -sızlayan villaları, hektarlarla torpağı, iki yerdə mənzili olduğunu boynuna almayıb. Ancaq sonda faktlar qarşısında tab gətirməyib. Bunu ona irad tutanda gözünə döndüyüm bu "qardaşımız" utanıb eləmədən deyib ki, hamı bir-birini aldadır, mən niyə onlardan geri qalmalıyam? O: "Siz vəziyyətdən istifadə edə bilmədiniz, mən istifadə etdim. Ağıllı olaydınız, aldanmayaydınız",-deyib.

Tanışım deyir ki, onun bu sözündən elə şoka düşüblər ki, indi də özlərinə gələ bilmirlər. Hamısı bir tərəfə, bu ağlayıb-sızlayan adam hamını da özü kimi fırıldaqçı, adam aldadan, əclaf gözündə görür, elədiklərindən utanıb qızarmaq əvəzinə özünü üstəlik "ağıllı" adam hesab edir. Burada yadıma illər öncə tanıdığım imkanlı bir adamın atası düşür. Oğlu kimi özü də kifayət qədər imkanlı olan bu şəxsi jurnalist fəaliyyətim ilə bağlı tanıyırdım. Nə isə günlərin birində Bakı ətrafında inşa edilən dəbdəbəli villalardan birinin qabağında onu gördüm. Məni görən kimi tutuldu. Dedim xeyr ola, burada nə gəzirsən. Dərhal məzlum bir görkəm alaraq cavab verdi ki, bu kasıb evi tikdirib başa çatdırmağa pul tapa bilmirəm, qalmışam məhəttəl nə edim. Onun bu sözlərini eşidəndə nitqim tutuldu, deməyə söz tapa bilmədim. Çünki bu adamın el arasında deyildiyi kimi pulunu balta belə kəsmirdi. Onun "kasıb evi" adlandırıdğı villasının qiyməti isə ən azından 1 milyon dollardan yuxarı idi. Zənnimcə günümüzdə vətəndaşlarımızın əksəriyyəti ağlayıb-sızlamaq xəstəliyinə tutulublar.

Avtobusda gedirsən, görürsən ki, iki söhbət edəndən biri ağlayıb-sızlayaraq vəziyyətindən şikayət edir. Avtobus dayanacağında dayanıb avtobus gözləyirsən, görürsən ki, kimsə-kiməsə vəziyyətindən narazılıq edir. Hara gedirsən, addımbaşı ağlayıb-sızlayanlarla rastlaşırsan. Sanki ölkə daxilində bəzi adamlar arasında gizlicə ağlayıb-sızlama yarışı keçirirlir. Yenə də müəyyən müddətdən sonra məlum olur ki, bu ağlayıb-sızlayanların əksəriyyətinin maddi imkanları birindən pisdirsə də, 10-dan yaxşıdır. Belə yerdə adam deməyə söz tapmır. Ona görə də hərdən mənə elə gəlir ki, bizdə çoxları ağlayıb-sızlamaqla "erməni xəstəliyi"nə tutulub. Buna başqa ad vermək zənnimcə mümkün deyil. Amma ermənilərdən fərqli olaraq bizimkilər millət naminə deyil, öz şəxsi maraqları, daxildə bir-birlərini aldatmaq üçün ağlayıb-sızlayırlar. Amma atalarda bir məsəl də var: yel gətirəni, yel də aparar...

Oxundu: 255

© 2017 - NSPSOLUTIONS